Pinuccia
Mittwoch, 6. April 2022 10:28 Uhr
Lieber Tobi
Ich denke heute fest an Dich und hoffe, dass es Dir gut geht. Happy Birthday. In Gedanken bin ich auch bei Doris und Hampfi.
Du fehlst.
E digge Geburtstagsschmutz.
Pinuccia
Mittwoch, 6. April 2022 10:28 Uhr
Lieber Tobi
Ich denke heute fest an Dich und hoffe, dass es Dir gut geht. Happy Birthday. In Gedanken bin ich auch bei Doris und Hampfi.
Du fehlst.
E digge Geburtstagsschmutz.
Dä vo nääbedraa
Mittwoch, 6. April 2022 09:02 Uhr
Liebe Tobi
Wow, 28!
Mir dängge ganz fescht an Di.
Du hättsch sicher e Freud an unserem neue Huusdier im Garte - und Du fäälsch.
Tim
Sonntag, 3. April 2022 21:47 Uhr
Hey Tobi
Das Wuchenänd isch s’ Laaferi gsih - e’ Drummeli für Jungi. Glaub mir, das wär di Event gsih. 25 Jungi Garde und 800 Kinder und Jugendlichi, wo unglaublich tolli Ufftritt uff d’ Bei gstellt hän. Du hättsch di so wohl gfühlt mit all däne Glaine. Mir hänn “Z’ Basel” gspielt und s’ Laaferi dörfe eröffne als erschti Clique. Bi unserer Darbietig hämmer s’ Znacht an dr Fasnacht nochegmacht und uff Tisch und Bängg, d’ Pfyffer begleitet mit Bsteck, Bächer und Täller, inklusive Trummelsolo. Die ganz Zyt hanni an uns miesse dänke, wie du griene Trojka heimlich in unsere Yystee gmischt hesch während em Znacht an dr Fasnacht vor so vielne Johre. Generell sinn ganz viel Erinnerige uffekoh uss unserer Junge Garde Zyt und ich bi so stolz gsih uff unseri Junge, wenni in d’ Rundi gluegt ha. Mir hänn nämlich ganz e’ tolle Huffe bi dr Junge Rätz, du hättsch e’ riese Freud. Dä Ufftritt hett uns so richtig fescht zämmegschweisst und ich ha sone guete Droht mit allne, so wie dus immer kah hesch. Es isch wirklich öbbis vom töllschte gsih, wo ich mit dr Rätz ha dörfe erläbe bis jetzt. Wunderschön isches gsih, nur du hesch gfählt. Vor allem bi dr Schlussnummere. “Laaferi, vorwärts, marsch” und denne sinn mir und alli andere Clique in Saal gässlet und wie am Morgestraich hänn nur d’ Latärne brennt. Es isch e’ Hiehnerhutmomänt gsih und e’ Fasnachtsfeeling, wie ichs no nie erläbt ha. Es isch s’ perfekt Geburtstagsgschänk gsih für di. Am Wuchenänd vor dim 28 Geburtstag hesch du s’ gröschte Ständeli bekoh wome kah ha, ha ich für mi dänkt. Spötischtens bi dr Standig Ovation ha ich mini Emotione nümme könne zrugghebe und es sinn Träne gflosse. D’ Linda hett mi denne fescht in Arm gnoh und gseit, dass du überall drbi bisch. Villicht hesch jo inere Stäggeladärne vo uns zuegluegt oder bisch zwüsche de Stiehl gsih im Publikum oder hesch sogar uff dr Bühni mitgmacht. Irgendwo in däm Ruum, irgendwo in däm Momänt bisch du gsih und hesch dankend die Schlussnummere miterläbt.
Bim Laaferi hänn mir die Junge zelebriert, so wie du das dis ganze Läbe gmacht hesch. Sinnbildlich am erschte Aprilweekend, in däm Monet, wo du s’ Liecht vo däre Wält erblickt hesch, und dr gliich Monet, wo du viel zu frieh vo uns gange bisch. An beidne Täg wird ich ganz fescht an di dänke und uff di ahstosse. Dis Läbe und di zelebriere, will du dr härzensliebschti Mensch bisch wo ich kenn. Ich vermiss di jede Tag.
Di Happy Friendou
Tim
Pinuccia
Freitag, 18. März 2022 16:35 Uhr
Lieber Tobi
An der Fasnacht habe ich bei jedem 'Whiskey' habe ich an Dich gedacht. Es wäre so schön gewesen, wenn Du dabei gewesen wärst. Es kam mir vor wie abgesprochen, ich treffe Deine Freunde Yannick, Nico und Kym genau nachdem Sie Dir am Rheinunfer den 'Whiskey' gepfiffen haben. Uns sind die Tränen gekommen. Es ist so traurig, dass Du die Fasnacht nicht miterleben konntest. Du bist immer in meinem Herzen.
Yannick
Mittwoch, 16. März 2022 10:54 Uhr
Es isch Fasnacht gsi Tobi. E spezielli, aber wunderschöni Fasnacht. Du hättsch das au gnosse. Am Zystig sind mir, unser Trüppli us Happy Friendous, wieder zämme vereint gsi und hend zämme musiziert und lustig kha. Ich chönnt schwöre ich ha au dich mol neume Lache ghört.
Am Fasnachtszystig, kurz vor em Znacht, sind mir no an Rhy abegange und hend für die e Ständli gspielt. De Whiskey natürlich. Wärend mir gspielt hend ha ichs gfühl kha, es git numme uns, du und mir, und de Rhy wo an uns vorbi fliesst. De Himmel het sich in sim schönste Rot zeigt, wie als ob du uns e Gschänk willsch mache. Es isch so schön gsi und so trurig Tobi...
Jede het e Shötli becho, au du, für das het de Tim gsorgt.
Und wie s Schicksal so will isch grad wo mir hend welle goh au d Pinuccia döte gsi. Alles het passt. Nur du hesch gfählt. Und das machsch jede Tag.
Sosha Weidmann
Sonntag, 5. Dezember 2021 10:46 Uhr
Liebe Tobi,
es isch de 2.Advänt…ich sitzt im Wohnzimmer am Bode, legg d‘Wösch zämme und lueg mit mim Töchterli „Der Grinch“. Ich weiss no, wo ich dä Film s erschte Mol gseh ha - mit dir! Ihkuschlet uf em Sofa mit dir und em Gotti…i wirds nie vergässe…so vyl erinneret mi immer wieder an dich…denn muess i lächle und glichzytig machts mi so truurig…unser letschts Foti jährt sich au bald wieder….Wiehnachte , resp. de 24.12.17, so e doofe Snapchat-Filter…s letschte Foti vo uns….in de letschte Tag han i s oft ahgluegt…du fählsch! Ich bi so glücklich mit minere kleine Familie, so dankbar über mis siesse Töchterli - du hättisch sie gliebt und sie dich bestimmt au! Sie findet Dinos jetzt mega toll:) eifach so, vo sich us…was wär das schön, hätte mir zämme mit ihre könne „Jurrasic Park“ spiele und in e paar Jöhrli mit
ihre luege…so wie mir als Kinder so oft. Jetzt mach ich‘s! Und ich weiss, du bisch drbi<3<3<3
Hampfi
Freitag, 5. November 2021 15:14 Uhr
Hallo Tobi
Sind mal wieder unterwegs. In der Nähe vom „Reethi“.
Obwohl es schon lange her ist….alles voller Erinnerungen .
Du bist bei jedem TG bei uns.
Wir vermissen dich.
Doris und Hampfi
Astrid Breitenfeld
Freitag, 13. August 2021 15:37 Uhr
Lieber Tobias,
leider habe Dich nur kurz kennenlernen dürfen und erst heute davon erfahren, dass Deine Seele aufgestiegen ist.
Gib Deinen lieben Eltern, Deiner Schwester, Deiner ganzen Familie und allen anderen Menschen, die Dir nahe standen und die Dich so schmerzlich vermissen die Kraft, um stark zu sein und mit Dir in ihren Herzen und ihren Seelen ständig verbunden zu sein., denn Du lebst in Ihnen weiter.
Astrid Breitenfeld
Yannick
Dienstag, 3. August 2021 22:31 Uhr
Es isch wiederemol 1. August gsi. E Fest wo mir eigentlich immer zämme gfiehrt hend.
Und au jetzte wieder e neue Läbensabschnitt, wo du nit debi bisch. Ich ha dich vermisst bim Zügle, weil du sicher gholfe hättsch. Ich ha dich vermisst bim erste chline Festli weil de sicher au debi gsi wärsch. Du hesch gfählt. Ich wird dich in so Momänt und in Tusig meh immer vermisse.
Lueg uf di
Pinuccia
Samstag, 17. April 2021 10:40 Uhr
Lieber Tobi Ich vermisse Dein Lachen, Deine Unbekümmerheit und Deine liebevolle Art. Ich denke oft an Dich und verstehe immer noch nicht, wieso gerade Du gehen musstest. In Liebe Pinuccia🥰❤️😢
Hanspeter Kehrli
Mittwoch, 14. April 2021 08:55 Uhr
Hallo Tobi
Nachträglich alles schöne zum Geburtstag. Wir haben Dich sehr vermisst. Der April ist besonders "schwierig"...
Dorid & Hampfi
Kim
Donnerstag, 11. März 2021 12:01 Uhr
Sali Tobi
Ha grad an di dänggt und mol widr gmerggt, wie fesche du fählsch. Di Kopdladärnli lüchtet zwar, aber s isch nid s glich...
Uf ganz bald, di Schweschderli
Yannick
Dienstag, 23. Februar 2021 16:34 Uhr
Tobi es isch wieder e komischi Fasnacht. Ich würd sage, es isch nit emol e halbi Fasnacht. Du fändsch das sicher ganz komisch und unerträglich. Uns gohts allne glich.
Mir hend gest bim Fasnachtsspaziergang d Pinuccia troffe kha. Es isch e freudigs und e mega schöns Wiederseh gsi. Mir hend viel gredet kha zämme, au über dich! In däm Momänt bisch mir wieder ganz nöch vor koh, mit dinere Läbensfreud und eifach positive Art.
Spöter am Obe sind e paar vo uns no an Rhy gange, an de Ort wo mir für dini Äsche am Morgestreich verstreut hend und eine uf Dich drunke und zu de Stärne ufgluegt.
Du fählsch Tobi. I ha di fest lieb.
Bis denne
Yanne
Pinuccia
Samstag, 9. Januar 2021 04:52 Uhr
Lieber Tobi war gesternbei Deinen Mantas beim Manta Point in Moofushi. Es war wieder ein wunderbares Erlebnis, dem Ballett dieser schönen Tiere zuzuschauen. Ich habe sehr oft an Dich gedacht und finde es so traurig, dass Du das nicht mehr erleben kannst. Ich hoffe, dass es Dir gut geht, wo immer Du auch bist. Ciao ich hab Dich lieb❤️🥰
Ruth Kehrli
Sonntag, 20. Dezember 2020 19:53 Uhr
Unsere liebe Tobi,scho wieder stoht Weihnachten vor der Tür,die dritte ohne Dich,es isch so e verrücktes Johr gsi,unsere Kurt kämpft au immer wieder mit gesundheitliche Problem doch im Moment goht’s wieder besser,luegsch no e chli uf ihn bitte,mir händ Dich fest in unsere Härze Kurt u Ruth 7
Doris
Sonntag, 6. Dezember 2020 21:06 Uhr
Hüt isch wieder so e Tag ..... 2.Advänt...wie immer eigentlich jede Obe wo mir Deheim sind brennt e Kerze für dich! Derzue jetzt äbe die Kerze uf em Adväntskranz und Wiehnacht isch nümme wit ewäg . Es isch e schiss Joor mit däm Corona eifach alles e bitz müehsam und mir vermisse die Kontäkt zue dine liebe Fründe/Familie wo me eifach muess reduziere wäge däm blöde Virus.
Ich glaub für dich wärs e ganz e schwierigi Zyt , so wichtig sind dir alli Mensche wo du gärn hesch, Nöchi, Umarmige und Zämmesy eifach numme no Distanz dass isch gar mit di Ding !
Es isch e schwirigi Zyt für uns alli und ich dängg immer wieder ; wie würd dr Tobi das alles mache ........ wie würdsch du mit däm umgoh, du hesch immer dini ganz eigeni Meinig und ziehsch das au duure...... mängmol han ich Angscht gha und dänggt; oje kunnt das guet...... aber du hesch so e guets Gespür....... ich vermiss dini Art, dini, Klarheit, dini Empathie eifach alles ........ 2.Advänt und 6. Dezämber Niggi Näggi alles ohni Tobi wo genüsslich in dr Grättima bisst ..... eifach wieder emol e unändlich trurige Tag .......
Tim
Dienstag, 1. Dezember 2020 01:41 Uhr
Und irgendwie kunnt grad alles wieder zämme. Ich ligg elei im Bett und kah überhaupt nit schlofe. „Skinny Love“ vom Bon Iver isch in Dauerschlaufe. Und denn ha ich dänkt ich gang wiedermol durch alli Nochrichte vo all dine liebste Lüt und kah mir eifach nit hälfe und muess alles usseloh. Es löst so unglaublich viel in mir uss wenn ich alli die wunderschöne Nochrichte liis und all unseri gmeinsame Föteli ahlueg. Vo jedere Fasnacht, vo jedem Zämmekoh, vo jedem Ussgang. Jede Momänt wo du eifach im Vollschte gläbt hesch. Alli Nochrichte im Chatverlauf, jedes Bedure dir nit öfters gseit ha das ich di lieb. Ich glaub mir sötte uns das allne gegsitig eifach öfters sage und zeige was mir an uns schätze. So wie du das immer mit dinere unglaubliche Usstrahlig uns zeigt hesch. Immer wenns ans ändi vom Johr goht druck die Truurigkeit duure. Es isch im letzte Johr au scho so gsih, wurum weiss ich au nit ganz. Vilicht hetts mit all unserne gmeinsame Silvester z‘tue wo jetzt eifach nümme s‘gliiche sinn. Es isch verruckt wie „lang“ meh nümme so drah dänkt und denn plötzlich ussem nütt eim d‘ Emotione wiene riese Wälle überfluete. Ich glaub du als Taucher und Wasserratte findsch die Erkärig trotz allem e‘ bitz schön. Ich weiss no wie dr Hampfi gseit hett:“Mit dr Zyt wirds weniger koh aber wenns kunnt denne immer gliich fest“. Genau das fühl ich momentan enorm. Tobi ich hoff dir gohts guet dört wo du jetzt bisch. Ich vermiss di jede Tag. An Silvester zünd ich in Ehre vo dir e‘ Camacho ah, wie jedes Johr sit du nümm do bisch.
Machs guet Tobi.
Härzlichscht, Tim
Victoria
Donnerstag, 27. August 2020 13:15 Uhr
Eine sehr schöne webseite haben Sie , Viel Erfolg wünschen wir als liveamateur.ch Team.
Victoria
Esther Hänni
Montag, 6. April 2020 21:45 Uhr
Zu dim Geburtstag hüt, liebe Tobias,
Alles, ales Gueti,, wo immer du jetz bisch....ich vermiss dich immer no sehr.