Tim
Sonntag, 6. April 2025 13:48 Uhr
Liebe Tobi
Eigentlich hätts mini letzti Fasnacht sötte sie. Die letzti bi dr Rätz, die letzti mit unserne Friends. Mit ihne wo ich uffgwachse bi, die wo mi e Läbe lang begleitet hänn. Eifach wills innerlich nümm gange isch. Will dä Grabe vo de unussgsprochene Truur immer grösser worde isch. Aber wie wenn du mini Gedanke hättsch könne läse hesch gfunde: „Nei Tim, es isch nonig eso wiit.“ Drum hesch du sie mir gschickt. Zum unseri Ladärne z’ zieh. Unser Liecht. Zum mis Füür wieder z’ entfache. Denn wonni ha welle uffhöre, grad bevor d Fasnachts-Flamme erlosche isch. Und sie fahrt genauso gärn Auto wie du. Spielt Theater und isch e grosses Vorbild für die Junge, so wie dus immer gsih bisch. Ihr hättet euch so guet verstande, aber das weisch du jo scho. Ich vermiss di sehr fescht und würd so gärn mit dir über all das rede. Hütte wär ich s erste mol nit elei an di Geburtstag koh. Und ich weiss du dänksch jetzt: „Ändlich Tim, ändlich hesch es gschafft. Egal was druss wird.“
Ich wünsch dir alles erdänklich guete zum Geburtstag. Hütte stosse mir uff di ah. Fyyre und zelebriere dä Mensch wo du gsih bisch, nämlich e Happy Friendou für alli.
Mir höre uns.
Tim
Pinuccia
Sonntag, 6. April 2025 10:24 Uhr
Lieber Tobi
Happy Birthday, wo immer Du bist. Ich denke oft an Dich und bin traurig, dass Du nicht mehr bei uns bist. Es wäre so toll gewesen, mit Dir in den letzten Jahren einen Tauchgang zu machen. Wir werden heute auf Dich anstossen.
Esther Hänni
Montag, 23. Dezember 2024 21:28 Uhr
Liebe Tobi,
Nun isch dä Tag.do, wohl Mutmut.in Pension goht. Und ich, ich bleibe😪😪 Doris hat gut ausgesucht ❤️ und doch herrscht in mir Panik.
Aber danke unsere Freundschaft bleibt. Mit dir werde ich weiter meine Zwiegespräche halten.
Tobias ich vermisse dich
Mutmut
Montag, 16. Dezember 2024 19:32 Uhr
Mi liebe Tobi
E mega emotionali Zyt grad, Advänt, Wiehnacht stoht vor dr Tüer, Abschied näh vom Bruederholz vom Arbeitsalltag als Physio………ich gang noch 43 Joor Schaffe in Rente !
Ich dängg grad sehr viel an dich, du wärsch jetzt voll im Bruefsläbe akoh, viellicht scho voll am Karierre mache , genau zum richtige Zytpunkt hesch du dis Studium zum Techniker Energie und Umwält agfange!!!!!
Du wärsch hüt voll im Trend und sicher sehr engagiert und glücklich in dim Job .
So Gedanke göhn mir durch de Kopf, du hesch mich gleert im hüt und Jetzt zläbe und z‘gniesse…….. also sag ich mir, gniess dä neui Läbensabschnitt in volle Züg!
Bi Dankbar dass du mir e anderi Perspektive zeigt hesch, me isch nit numme guet wenn me Leischtig zeigt, au e Mensch si mit viel Empathie, Sozialkompetenz und eifach Freud am Läbe isch mängmol wichtiger !!!!!
Also liebe Tobi, ich wird bald mehr Zyt ha z‘Läbe und z‘gniesse und bi gspannt was mir s‘Läbe no so zbiete het !
Du fälsch mir jede Tag und es macht mich eifach unändlich truurig , dass du nümme kasch bi uns si !!!!!!!!!
Kia
Dienstag, 9. Juli 2024 07:03 Uhr
Liebä Tobi, mir vermisse di <3 nach viune rägnerische Täg, schiint hüt wieder mou d'Sunne. Vilich luegsch du gad uf üs abe u schicksch üs chli Wärmi. Merci <3
Mutmut
Sonntag, 19. Mai 2024 19:27 Uhr
Es isch Pfingsten und mir händ so sehr an dich dänggt!
Du wärsch sicher im Pfingstlager mit de Räter!
So sehr hesch dich immer uf dä Alass gfreut und immer druf ane gfieberet!
In däm Sinn schöni Pfingsten liebe Tobi mir vermisse dich !!!!!!!!!
D
Samstag, 6. April 2024 15:02 Uhr
30! Wow. Den Tag hätte ich sehr gerne mit Dir zusammen gefeiert. Bestimmt wärst Du mit mir in den kalten Pool gesprungen. Ich denke an Dich!
Esther Hänni
Samstag, 6. April 2024 09:05 Uhr
Liebe Toby,
Ich gratuliere dir ❤️zlig zum Geburtstag 🍀 wo immer au du jetzt bisch. Du bisch mir immer no sehr sehr nah. Ich führe oft Gspäch mit dir danke.
Mutmut
Sonntag, 10. März 2024 22:23 Uhr
Liebe Tobi
Es isch hüt de 3.Bummelsunntig gseh ….. dis Kopflatärnli het während dr Fasnachtszyt vor unserem Fänschter jede Obe glüchtet.
Es isch das Joor wieder e spezielli Fasnacht gseh……….. es isch alles nümme e so wie’s emol gseh isch ……
Yanne
Sonntag, 5. November 2023 05:03 Uhr
Liebe Tobi
Ich ha jetzte mis Tauchprevet und bi fliessig am tauche und plane für die neggste Tauchtripps. Du hesch immer so devo gschwärmt vom Tauche. Unterwasser ha i scho oft an di dänkt. Du chasch dir nit vorstelle wie sehr ich mir wünsche due mit dir chönnte ztauche. Wieder zämme in d Ferie go, dummi Spässli mache, sich ab und zue närve und trotzdäm lache vo morge bis zobe. Ich hät das so gärn mit dir teilt. Bi jedem Tauchgang dänk i fest an di. Du bisch würkli die inspiration gsi für das ganze wo mir eimol zämme im Pool bi euch eifach Unterwasser chillt händ. Ich weiss nit ob ich dir jeh wird chönne s Wasserreiche (Pun intended) im Tauche aber ich gib mis beste.
Cheers. Ich dänk an di...
Mutmut
Sonntag, 11. Juni 2023 19:52 Uhr
Liebe Tobi
Hüt isch wieder so e Tag wo ich dich ganz bsunders vermiss😢
Dr Garte isch prächtig mir chille im Loch , de Pool isch warm, mir grille e wunderbares Stück Fleisch🥩
Geschter simmer in Aarbärg gseh e super Konzärt mit dr Anastacia, du hättsch es genial gfunde…… und immer wieder dängge mir bi allem was mir mache an dich und wie toll du das würdsch finde…… es isch immer no jede Tag , sit mehr als 5 Joor eifach schwierigi und unändlich truurig dass du nümme uf unserer Wält bisch 😢
Aber du bisch trotzdem immer so nooch bi uns und verzelle dir alli unseri Erläbniss und wüsse du findsch es mängmol super aber au mängmol peinlich…. 😉
Ich hoff du bisch stolz uf dini Eltere mir gänd us alli Müehsam und du bisch de allerbescht Sohn für immer !!!!!!!
D
Donnerstag, 6. April 2023 09:48 Uhr
Liebe Tobi, ych schryb Dir lieber hütt, als denn am 17.
Aber y bi an baide Dääg immer no waansinnig druurig, dängg ganz fescht an Di und an alti Erinnerige und hüül e bitzeli vor mi aane.
Du fäälsch do immer no ganz verruggt.
Esther
Donnerstag, 6. April 2023 00:45 Uhr
Liebe Tobi
Und wieder isch hüt din Geburtstag wo du nit.do bisch.
Wo immer du au bisch, ich wünsche Dir recht ❤️zliche Glückwunsch zumGebirtstag....Du Fehlschlag
Yanne
Montag, 13. März 2023 17:43 Uhr
Liebe Tobi
D Fasnacht isch jetzte schoi zwei Wuche ume. Scho an de Marschiebige ha i immer wieder an di dänkt, vorallem bim Whiskey. Au an de Fasnacht sälber bisch immer debi gsi; nit numme mit em Whiseky sondern au mit dinere Latärne. Au de Zystig hän mir dich die ganz Zyt debi kha. E schöns Ständeli hesch au becho. Am Rhy unde, wo no alles ruhig gsi. Es het passt.
Egal wo, du bisch immer debi.
Pinuccia Odile
Mittwoch, 1. März 2023 12:02 Uhr
Lieber Tobi jeder ‚Whiskey‘ den ich pfeife, pfeife ich für Dich und denke an Dich.. Ich hoffe, dass Du uns vom Fasnachtshimmel mut Deinem unvergesslichen Lächeln zuschaust und Dich freust. Du bleibst unvergesseb. ❤️🥰🎭
Mutmut
Donnerstag, 17. November 2022 09:15 Uhr
Liebe Tobi
Mir sind hüt morge am Lavasrtrand gstande und sind in Gedanke die ganzi Zyt do ganz noch bi dir gseh !
Jede Tauchtag do isch uns e Episode igfallle wo mir do mit dir händ dörfe erläbe!
Wie du e Tag vor de Ferie d‘Bänder am Fuess grisse hesch und ich dir jede Tag Jä müesse de Fuess tape damit über die Lavastai überhaupt ins Wasser ko bisch . Und die viele Cubalibre uf dr Rächnig…….. du fälsch unheimlich mit dim Witz , dim Frühlichtes und härzliche Wäse….. eifach mit allem und das jede Tag !!!!
Dis Mutmut
Tim
Freitag, 28. Oktober 2022 18:23 Uhr
Liebe Tobi
Hütte bin ich genauso alt wie du, wo du die Wält verloh hesch. 4,5 Johr isches här sitdäm du gange bisch und in däre Zyt isch vieles passiert: Ich ha s‘ Militär ahnegschmisse und defür Zivi gmacht. Bi denn uff Reise gange um d‘ Wält und drnoch isch e‘ Pandemie koh (hätt dir nit so gfalle). Ha d‘ Bruefsmatur absolviert und schaff jetzt bim Radio und dörf dörte bitzli schwätze.
Beziehige sinn gschiiteret und Fründschafte sinn usenander gange. Ha neui Lüt kenneglernt und verschiedenschti Sache ussprobiert: Koche, Thaiboxe, Bungee Jumping, Therapie und was meh sunsch alles so macht als Mensch. Öbbis wo mi uff däm Wäg immer begleitet hett isch d‘ Musik gsih. Nach dim Tod ha ich ahgfange Lieder schriebe und mit dr Zyt hett sich mini Musik immer meh entwicklet. Neui Instrumänt sinn zur Familie drzuegstosse, ha Gsangsunterricht gnoh und jetzt ahgfange mini eigene Songs z‘ produce. Über die Johre bin ich zu däm gwachse, wo ich hütte bi, nämlich e’ Bedroom-Multi-Instrumentalischt-Singer-Songwriter. S‘ Resultat drvo: 42 Songs hanni kreiirt und 30 wiiteri sinn no in dr Pipeline (mini erste 5 Albene sinn also scho quasi durrestrukturiert).
Als Marius (guete Artistname gäll?) ha ich hütte mini ersti Single released und mit däm foht e’ neue Läbensabschnitt ah für mi. In däm Lied nimm ich Abschied vo dir und möcht dir gliichzytig au danke sage für alles. Du bisch wiene grosse Brueder gsih für mi, mi beschte Koleg und mis grosse Vorbild. Ich ha so viel Sache glernt fürs Läbe vo dir: Empathie zeige, offehärzig si, Fröhlichkeit usstrahle, im Momänt läbe, Mensche schätze und eifach au mol s‘ Läbe gniesse. Mit dinere bodeständige, humorvolle und luschtige Art hesch du di für mi unstärblich gmacht. Dis grosse Smile über beidi Backe und unglaublich ahsteckende Lache wird mi für immer begleite. Und au wenn ich di niemols vergässe wird, gang ich hütte doch wiiter. Will dörte wo di Wäg z‘ änd gange isch, isch mine no unvollständig. Hütte foht dr Räscht vo mim Läbe ah und ich versprich dir, ich mach öbbis drus.
Für di.
Mach‘s guet happy Friendou
kimkum
Freitag, 21. Oktober 2022 15:30 Uhr
Hey liebe Tobi
mol widr dänggi an di, ha grad e schwierigi Ufgob bim Schaffe (ich bi jetzt scho Juristin) und do kunt mr in Sinn, wo du mir an mim 2. Schueldaag gseit hesch, ich soll doch nid so due, mini Husi sige so eifach, du wünschtisch du hättsch mini Husis... Jetzt wünschti mir du könntsch mini Husi mache :-) Vrmiss di!
Yanne
Sonntag, 28. August 2022 23:16 Uhr
Dear friend
Lest Wuche ischs Mittelalterfest gsi. Es isch nümme s gliche. Immer no lustig, mit viel guetem Trinke und Esse, liebi Lüt und gueti Musik. Aber sie hends e chli unorganisiert und ich weiss nit ob ich das guet find.
Ich ha fest an di denkt. Ich ha in de Fluss wieder e guete Schluck Met gschüttet. Dini Lieblingssorte; "Drachegluet". Ich ha e guete Fründ vo uns beidne sit langem wieder gseh und wo mir uns umarmt hend, hend mir beidi Träne in de Auge becho und kurz zämme ghült, weil mir beidi glichzytig an dich denkt hend. D Sunne, de Met, d Freud, die tanzende Lüt, alles das Lache um uns ume, die Musik. Mir zämme dennoch beidi zämme mit dir und für dich trunke und tanzt zur Musik.
Oft denk i mir lester Zyt, dass ich gern e Rotschlag vo dir hät. Oder eifach e Schulterklapps... Das würd scho länge...
Gabi + Meinrad
Mittwoch, 6. April 2022 22:46 Uhr
Lieber Tobi,
Wir sind sicher, du feierst eine geile Party auf der Wolke 7, mit vielen neuen Freunden und auch einigen bekannten Gesichtern. Wir denke fest an dich. Happy Birthday Tobi
Von Gabi und Meinrad