Yannick
Sonntag, 10. März 2019 13:31 Uhr
Hi Tobi
Mir sind lest Wuche bi dir dehei gsi und sind dini Eltere emol chli go bekoche. Es isch e sehr lustige Obe gsi und ich ha gwüsst kha, dass du de Obe au mit uns am gniesse gsi bisch.
Jetzte isch morn Fasnacht und ich bi nit würklich in Stimmig. Nit dass es mi würd ahschisse aber ich bi eifach nonig in d Fasnachtstimmig. Komisch wenn me bedenkt, dass ich lest Johr nit ha chönne debi sy. Es duet mir im Herze weh, dass ich nit an dinere leste Fasnacht ha chönne debi sy.
Ich weiss du wirdsch mit uns allne die ganz Zyt debi sy bi jedem Witz mitlache und mit freud mitmarschiere. Ich wird bi jedem Whisky wo mir spiele und sicher no vielne andere Märsch an di dänke.
Du fählsch
Yanne
Soley
Sonntag, 10. März 2019 10:05 Uhr
Liebe Tobi
Ich ha scho lang öbis welle schriibe, ha aber nie gwüsst was und wie. Gescht hanni denn e tolls Gspröch ka mit dr Hannah, was mir dr Muet gä het, dir e Nochricht z’schriibe.
D Kim het bi ihre dehei e Vorfasnachts-Stubede gmacht. Mir hän viel gredet, glache und es sin sogar e paar Tränli gflosse. Es isch e wunderschöne, emotionale, aber unglaublich luschtige Oobe gsi. Ich ha sehr viel an di dänggt.
Spöter isch s Latärneihpfyffe und morn foht au scho d Fasnacht 2019 ah, aber das weisch du garantiert.
Tobi du wirdsch an de drey scheenschte Dääg physisch extrem fähle, aber mir alli wüsse, dass du als unsere Fasnachts-Schutzängel jede Schritt mit uns mitlaufe wirdsch.
Ich vermiss di!
Soley
Hampfi
Freitag, 8. März 2019 15:11 Uhr
Hallo Tobi
Am letzten Freitag, 1. März, waren deine Freunde und Hanna bei uns und haben uns bekocht. 5 Köche in unserer Küche.... war aber sehr lecker, besonders das Tiramisu.
Hamu Tobi
Doris
Mittwoch, 6. März 2019 09:12 Uhr
Liebe Tobi
D‘Liara isch geschter am 5.3.2019 uf d‘Wält ko und dodermit e Teil vo unserer Familie worde. E wunderbars Ereignisse wo uns alli sehr erfreut .
Ich bi überzügt du hesch Sie bereits kenneglernt und uf Ihrem Wäg begleitet!
D‘Liara isch e Früehligs- und e Fasnachtszyt- Kind und wär weis...... viellicht nimmt au sie emol e Piccolo in Händ ?!?
Tobi ich vermiss di so fescht
Dis Mut Mut
Kurt u Ruth
Freitag, 22. Februar 2019 17:42 Uhr
Liebe Tobi wieder sind viele Wochen ins Land gegangen u Du begleitest uns,momentan bin ich nicht so fit darum sind meine Gedanken fest bei Dir u gibst mir Kraft vorwärtsgehen,in liebe Kurt u Ruth
Gabi + Meinrad
Montag, 31. Dezember 2018 17:01 Uhr
Lieber Tobi,
am Freitag waren wir wieder einmal lecker essen und haben dabei an dieses wunderbare gemeinsame Essen im Dollenberg gedacht. Du hattest am Vorabend viel zu viel getrunken, aber das Essen genießen konntest du trotzdem. Weißt du noch, diees leckere Salz und dieser unglaubliche Käse. Wir haben immer bewundert wie du das Leben genießen konntest. Wir vermissen dich. Du bist in unseren Herzen. Komm guat nei ins neie Johr.
Götti
Dienstag, 25. Dezember 2018 12:52 Uhr
Liebe Tobi.
Die erschte Wiehnachte ohni Di... sehr, sehr truurig! Du fählsch! Mir dängge fescht an Di und an Dini Eltere und hoffe, näi mir glaube fescht dra, dass es Dir dört, wo De bisch guet goht!
Ganz härzlig. Götti & Familie
Hampfi
Montag, 24. Dezember 2018 08:03 Uhr
Lieber Tobi
Nun ist auch ein Stück von dir auf den Malediven. In der Fesdhoo-Lagune..... bei den Mantas. Doris, Pinuccia und ich haben dich sehr vermisst und es verging kein Tag an dem wir nicht an dich gedacht haben.
Beim Weihnachtsessen heute Abend wird dein Stuhl leer bleiben aber du bist ganz fest bei mir und Doris ….. und bei den anderen Famielienmitgliedern, Freunden und Bekannten.
Wir denken an Dich
Sosha
Montag, 24. Dezember 2018 05:42 Uhr
Liebe Tobi
Scho de ganz Monet freu i mi einersyts uf Wiehnachte und s alljährliche Ässe, gmeinsam mit de Familie....anderersyts kunnt bi mir gar nid würglig Wiehnachtsstimmig uf und je nöcher de 24.12. gruggt isch, desto meh isch in mir so es Gfühl gwachse, wo me fascht scho als Angscht bezeichne ka. Denn das ischs, woni ha, wenn i dra dänk hüt z‘Obe ohni dich zu minere linke dört z‘sitze...so wie‘s doch eigtl. immer isch.
I vermiss di so sehr.
Dominik
Freitag, 21. Dezember 2018 15:13 Uhr
Liebe Tobi
y ha hüt in Dym Namme bi „jede Rappe zellt“ für Kinder in Not gspändet und „a sky full of stars“ gwunsche. Y bi sicher, ass das für Di esoo stimmt - und au, ass Du ain vo däne Stärn bisch.
Mir dängge an Wienachte fescht an Di. Du fäälsch.
Nora
Sonntag, 16. Dezember 2018 02:15 Uhr
Liebe Tobi
ich weiss nid worums mi grad hütt drzue bewegt dir zschriibe abber ich ligg grad im Bett, sisch z Nachd am 10 ab 2 und ich ha extrem grad miesse an di Dängge!
am 28.Dezämber vormene Joor simmer zämme ins Jura gfahre. Hänn Saich gmacht, ärnsti Gspröch gführt, diaskutiert, Schneestürm erläbt und Silvester gfiirt. hätti gwüsst dass das eins vo unserne letzte Gspröch gsi isch hättis villichd nome gnosse! die Zyt als Fründe als guete Lune Mensch blibsch du mir in Erinnerig. Ich weiss dir goht dert wo du etzt bisch guet ✨
Hampfi
Freitag, 9. November 2018 15:47 Uhr
Hallo Tobi
Wir haben einen wunderbaren Platz für dich gefunden. In einem Baum, nach der Tradition der Toraja, am Strand von Siladen mit Blick auf den Manado Tua und den Sonnenuntergang.
In Singapore im Chijmes und natürlich beim La Fiandra………
Wir denken jeden Tag an Dich..... Doris und Hampfi
Tim
Mittwoch, 17. Oktober 2018 19:28 Uhr
Hey Tobi
Hütt hänn d Doris und ich Geburtstag aber freue kame sich irgendwie nit. Vor genau 6 Mönet bisch du gange und ich dänk jede Tag an di. Ich ha scho so vielmol welle öbbis schriebe do aber ha nie gwüsst was oder öbs guet isch oder villicht hanni mi au eifach nit getraut. Aber jetzt muessi eifach schriebe will hütte bin ich 20 worde an dim halbjöhrige Todestag und es isch mir so verdammt schwer gfalle ussem huus go und so tue als ob alles guet isch. Mir mache das alli, verstecke unsere schmärz, probiere stark z si oder versueche alles z verdränge oder wäg z‘schiebe. Aber hütt isches anderscht gsih, hütte isch das eifach nit gange und ich ha nit könne fröhlich si trotz Geburtstag. So vieli Gedanke sinn durch mi Kopf gange, so vieli schöni Erinnerige an di sinn uffekoh, alles wo du mir zeigt hesch und ich ha könne lerne vo dir, alli die hunderte sprütztoure mit dim Smärtli, eifach alles. Die Verbindig wird nie öbber könne trenne und ich weiss das du irgendwo bisch und es isch ganz egal wo das isch , ich hoff eifach dases dir dörte guet goht. Ich hoff ich kah dir irgendwenn emol danke sage für alles wo du für mi gmacht hesch. An was ich fest glaub isch das du für dis liebe Mami und für mi mit voller kraft Happy Birthday gsunge hesch, eifach vo wiiter oobe...
Härzlichst, Tim
Doris
Mittwoch, 17. Oktober 2018 18:29 Uhr
Liebe Tobi
Ich ha hüt e wunderschöne Tag in Bangka verbrocht...... dört wo ich in mine Tauchafäng mega Stress gha ha......... jetzt muess ich numme grinse isch doch alles so easy .....
Es isch s‘erschte mol, dass ich mi Geburtstag mit Tauche verbring, es isch s‘erscht mol das ich an mim Geburtstag e grossi Truhrigkeit empfind......... aber mir händ e tolle Tag gha mit schöne Erinnerige mit Gedanke an unseri Reis mit Dir und Kloetzers..........
Du hesch am 17.Apri die Wält verloh, genau es halbs Joor isch es här....... das verbindet uns eimol mehr....bi sehr truurig ....... aber mir händ in dim Sinn gfiert und gnosse ....
Ha di unändlich lieb
Dis Mut Mut
Hampfi
Donnerstag, 11. Oktober 2018 08:25 Uhr
Hallo Tobi
Nun ist es soweit. Wir fliegen morgen nach Sulawesi. Es schmerzt nur zwei Sitzplätze im Flieger zu reservieren. In unseren Herzen bist du sowieso dabei und ein Stück von dir ist in meinem Handgepäck, Stilecht in einer kohlefaserverstärkten Kartusche.
Wir werden einen wunderschönen Platz für dich finden, auf Siladen und nicht auf Bunaken........, mit Sicht auf den Manado Tua und den Sonnenuntergang.
Und natürlich in Singapore beim Trattoria La Fiandra.
Tobi, mir hän dich gärn und vermisse dich unheimmlich
Dini Eltere
Ruth Kehrli
Donnerstag, 4. Oktober 2018 13:42 Uhr
Liebe Tobi,hütt isch wieder e schwere Tag trotz Sunneschin u blauen Himmel mir vermisse Dich ganz viel liebi schicke mir Dir Kurt u Ruth
Kim
Montag, 17. September 2018 14:52 Uhr
Hey Töbeleli
Ha grad letschdi an unseri Trampolinnomidäg dänkt und gmerkt, das gar kei klopfe durch d Wand zruggkunt...
Du fählsch!
Dini Kim
Hampfi
Donnerstag, 23. August 2018 12:10 Uhr
Lieber Tobi
Geschafft... dein Smartli ist frisch ab MFK. Spurverbreiterung, Scheinwerfer ersetzt und neue Streifen geklebt.... alles ok.
Du hattest recht, die Garage Kestenholzt hat zwar guten Kaffee.... aber der Service am Auto ist noch verbesserungswürdig !!!
Hamu....
Gotti
Sonntag, 12. August 2018 22:22 Uhr
Lieber Tobi
Das erste Gartenfest ohne dich. Zufriedene Stimmung, übermütige Mitfünfziger- kein Regen (stell dir das vor..!!)
Deine fröhlichen Empfangsworte und deine Barkeeper-Fähigkeiten haben gefehlt. Auch deine Spritzfontänen aus dem Pool.
Du fehlst, überall.
So oft denke ich an dich und lass mir die vielen gemeinsamen Erlebnisse durch den Kopf gehen. Es war einfach so gut mit dir! Und dann bin ich fassungslos, wenn ich mir vorstelle, wie gross die Lücke für deine Eltern sein muss....
Zum Glück schickst du ihnen so viel Kraft. Es geht weiter- mit dir- nur anders als vorher.
Ich bin und bleibe deine stolze Gotte, respektive Gostina! .... weisst du noch?
Tschau, liebe Gottebueb, ich ha di gärn!
Yannick
Montag, 6. August 2018 22:33 Uhr
hoi Tobi
111 Täg isch es jetzte genau här und immer no fehlsch wie am Afang. Es verghot kei Tag wo ich nit an di muess dänke.
Lesti im Jura ha i so fest an die miesse denke, wie gern du am Führ gsässe bisch und em Gitarre spiel zue glosst hesch, über s Esse gschwärmt hesch, dofi witz hesch verzellt und so viel glache hesch.
Vor e paar Wuche isch e Stück vo dir für immer mit em MPS verbunde worde. De Moment isch so wunderschön wie au unglaublich schmerzhaft gsi. Du hättsch es gliebt, s Wetter, d Musik, d Stimmig, d Lüt, de Sunneuntergang, de Met, de Momänt. Es sind e paar Sache gseit worde und es isch unglaublich wie me erst realisiert, was me vo einem glernt het, wenn die Person nümme debi cha si.
I miss you so much brother
Ich weiss dir gohts guet. Bis denn