Nora
Montag, 6. April 2020 11:05 Uhr
Liebe Tobi.
Alles alles liebi zu dym 26. Geburtstag, wo au immer du dini Party stiige losch heb e guets Fest. Mir do unde uff dere Ärde dängge fest an di🤗
Nora
Niggi
Montag, 6. April 2020 10:01 Uhr
Liebe Tobi wo immer du au bisch ich wünsch dir vo Härze alles Liebi zu dim Geburi los es krache ha in letschter Zit viel an di denkt vorallem kunnts mir vor als wäre mir grad in Resident Evil....mit all dem was do bi uns grad passiert
Götti
Montag, 6. April 2020 08:58 Uhr
Liebe Tobi. Mir dängge hüt ganz speziell fescht an Di und Dini Eltere!!! Du fählsch uns allne sehr!
Ruth Kehrli
Montag, 6. April 2020 06:03 Uhr
Unsere gliebte Tobi vo ganzem Härze Happy Birthday scho wieder e jöhrli vorbi,und es isch so ganz anders Du bisch immer unter uns u gib’sch uns Kraft in dere spezielle Zyt wo mir im Moment duure stöhn wo mir gar nid so ganz wüsse wie das wiiter goht?In Liebe Dini Kurt u Ruth
Yanne
Dienstag, 3. März 2020 23:01 Uhr
Ay Tobi das wirdsch nit glaube obwohl es sicher au scho ghört hesch. D Fasnacht isch abgseit worde.
Ich bi eleige an de Rhy gange, wo mir e Stück vo dir verewigt händ. Es isch komisch gsi, wenn nit sogar het es sich e chli falsch ahgfühlt zu dem Zytpunkt döte zsy ohni Trummle und Piffe zhöre...
Ich dänk fest an di
Tim
Sonntag, 2. Februar 2020 07:11 Uhr
Tobi, ich ha grad wieder an di dänkt
Scho krass, wie viel liebi du hesch gschänkt
Du bisch zwar nümm bi uns, nümme „do”
Aber ich weiss du bisch irgendwie irgendwo
Tobi, so viel zyt isch vergange
Und oft isches eifach nümme gange
Mängisch hanni richtig um mi wille miesse bange
Tobi, mi brueder
Alles lauft irgendwie ussem rueder
Kei rotschlag, halt oder dicki umarmige meh
Alles fählt
Und wird nymi koh
Vo Rieche nach Biel Bänke
Und ich wird immer drah dänke
Du bisch jetzt wiiter oobe
Und ich bi immerno do, unde
Aber egal was passiert
Mir zwei sinn für immer verbunde
Wäge dir hetts in dr Rätz immer gfätzt
Du bisch zwar nit dr beschti pfyffer gsih
Und ich sicher nit dr bescht trummler
Aber zämme wäre mir die beschte wältebummler
All die Roadtrips mit dim Smärtli
Oder mir zwei bi jedem geburtstag mit de erotische gschänggli
Jedes Silvester im pool
Und im summer immer s’pizzaässe
Alli die Sache wird ich nie vergässe
So viel erläbt und doch nur so kurz gläbt
Alles hett sich veränderet
Aber dini läbensfrohi iistellig, die hesch nie gänderet
Au wo alles gege di gloffe isch
Hesch alles mit dim strahlende lächle wäggwüscht, so wie de halt bisch
Vo Rieche nach Biel Bänke
Und ich wird immer drah dänke
Du bisch jetzt wiiter oobe
Und ich bi immerno do, unde
Aber egal was passiert
Mir zwei sinn für immer verbunde
S’duet mir so leid dasi am schluss nit do gsih bi
Ich ha nit gwüsst dases so schnäll wird vrbii si
Jedes mol wenni am rhy hogg
Oder z’nacht elei im bett ligg
Und sich alles wieder und wieder im kopf abspielt
Und s’mi langsam eifach richtig killt
In däne gwässer wo du jetzt schwimmsch
Hoff ich das du’s findsch
In de Bäum wo de wind goht
Und mis härz grad höcher schloht
Willi gärn dänk das bisch du
Und luegsch nur wies uns goht
Vo Rieche nach Biel Bänke
Und ich wird immer drah dänke
Du bisch jetzt wiiter oobe
Und ich bi immerno do, unde
Aber egal was passiert
Mir zwei sinn für immer verbunde
Die angscht vom Tod hesch mir gnoh
Will irgendwenn wird dä Tag koh
Wo mi nütt meh hebe wird do
Und ich eifach losloh
Denn kummi zu dir und vrzell dir alles
Anekdote und gschichtli
Und sicher au paar witzli
Vo jedem Morgestraich und sicher au viel seich
Luusbuebesache und vo allem wonni ha dörfe mache
Eifach alles wo passiert isch
Und wenni fertig bi hoffi das du mi fescht druggsch und mir seisch das du stolz bisch
Doris
Sonntag, 1. Dezember 2019 23:06 Uhr
Mi liebschte Tobi
Hüt isch erschte Advänt, es isch wieder e bsunders schwierigi Zyt ohni dich........ wie sehr hesch du Wiehnacht und alli Traditione gliebt ❤️ all die schöne Wiehnachtsdekoratione vo Dir sind uffgstellt und erstrahle im Liechtermeer und jede Obe brennt e Kerzli nur für dich !
Es isch nie meh so wies gseh isch....... vermiss di so sehr !
Dis Mut Mut
Yannick
Freitag, 8. November 2019 13:41 Uhr
Do not stand at my grave and weep
I am not there; I do not sleep.
I am a thousand winds that blow,
I am the diamond glints on snow,
I am the sun on ripened grain,
I am the gentle autumn rain.
When you awaken in the morning's hush
I am the swift uplifting rush
Of quiet birds in circled flight.
I am the soft stars that shine at night.
Do not stand at my grave and cry,
I am not there; I did not die.
Au wenns jetzte über einehalb Johr gsi isch, es git Täg die sind immer no schwer. See you
Pinuccia Odile
Dienstag, 15. Oktober 2019 16:47 Uhr
Lieber Tobi
Ich war vor 2 Wochen in Aegypten tauchen. Bei jedem grossen, braunen Schwamm, der aussieht wie eine Vase, habe ich an Dich gedacht. Du bist doch mal in den Phippinen kopfvoran in so ein Schwamm reingeschwommen. Da war ein Schauen - nur die Beine und Flossen von Dir sah man. Ich denke gern daran zurück. Ich vermisse Dich sehr und denke oft an Dich. Auch ich bewundere Deine Eltern, wie toll sie sich halten.
Besch immer be mir. Pinuccia
Ruth Kehrli
Samstag, 28. September 2019 12:19 Uhr
Salut liebe Tobi,sind wieder e paar Tage wiiter ohne Dich du fehlst uns jede Tag mir händ der erste Jahrestag überstande de Geburtstag u au em Kurt sin Geburtstag isch vorbi u mir händ Dich immer in unserer Mitte,bin ändlig au zu Dir ins Zimmer gange es het so guet do,unseri Härze bluete no immer fest
Hampfi
Donnerstag, 25. Juli 2019 14:46 Uhr
Lieber Tobi
Wir waren mit Niggli und Miri in franz. Polynesien.
Auf Moore, du bist mit dem Mietauto mit 17 um die halbe Insel gefahren oder bei den unzähligen Haien... i cha nit ins Wasser springe - ich gump jo no emene Hai uf e Kopf...
Auf Rangiroa im Mai Tai - das Restaurant mit dem tollen Blick in die Lagune. Leider war vor 8 Jahren das Essen Besser :)
In Fakarava sind im Kanal immer noch die Hundertschaften von Grauhaien und vor dem Bugalow tummeln sich die kleinen Haie....
Mir haben an jedem deiner Lieblingsorte in Polynesien ein Stück von dir dagelassen.....
Du fehlst uns jeden Tag
Yanne
Donnerstag, 11. Juli 2019 21:11 Uhr
Hellouw happy frendouu
Am Wucheänd sind de Pascal und ich am Sunntig am MPS gsi und es isch wiederemol e wunderbare sunnige Tag gsi. Schad händ mir numme am Sunntig chönne goh, du hätsch gseit das goht jo gar nit;) aber me nimmt was me bechunnt und mir hends chönne gniesse. Mir händ dich an dim Fluss bsuecht und hesch natürlich au e Schluck Met zu dir mitgschickt.
Du fählsch immer no. See ya soon
Yanne
Tim
Donnerstag, 18. April 2019 00:43 Uhr
Es isch ganz still, numme d Wöschmachine näbe mir isch am laufe. Alli sinn gange und jetzt sitze nur no mir zwei am tisch. Hütt sinn alli bi uns dehei gsih tobi, mir hän zämme gässe, trunke und fescht fescht an di dänkt. Es isch in dim sinn gsih und es hätt dir richtig gfalle. Vor genau eme Johr bisch du gange und doch isches immerno surreal. Ich weiss no genau wie mi die nochricht troffe kah hett so wiit ewäg vo dehei im Militär. Ich bi so stolz uff uns alli will mir hänn s‘ erste Johr überstande, s‘ erste mol silvester ohni di, die erschti fasnacht, bummel, geburstag und jetzt dr erscht todestag. All das hämmer nur gschafft will du uns unglaublich viel kraft vo oobe schicksch und will mir das alli gmeinsam zämme durrestöhn. Du wärsch so stolz uff dini eltere, d‘doris und dr hampfi sinn so stark, wahrschinlich die zwei stärkste mensche wonni je kenneglert ha. Mir vermisse di alli unheimlich und s‘ vergoht kei täg wonni nit an di dänk. Mir trage di alli im härze und ich weiss das du mi begleite wirdsch uff däre grosse reis als mi beschte happy friendou.
Bis zum näggschte Eyefive
Tim
Anna
Mittwoch, 17. April 2019 17:23 Uhr
Lieber Tobi , die Zeit vergeht so schnell , heute ist es ein Jahr das du von uns gegangen bist .
Denken oft an dich , es ist so still ohne dein lachen . Tragen dich im Herzen .
Pinuccia Odile
Mittwoch, 17. April 2019 11:10 Uhr
Lieber Tobi
Vor 1 Jahr habe ich in meinen Ferien die schreckliche Nachricht erhalten, dass Du nicht mehr bei uns bist. Es war eines der schlimmsten Tage in meinem Leben. Ich verstehe es immer noch nicht, wieso Du so früh gehen musstest. Ich hoffe, dass Du glücklich bist, da wo du jetzt bist. Ich vermisse Dich und denke sehr oft an Dich. Ich bin überzeugt, dass Du uns immer hörst und siehst und oft bei gewissen Situationen leise schmunzelst. In Liebe Pinuccia
Ruth u Kurt
Sonntag, 7. April 2019 11:10 Uhr
Liebe Tobi gester händ mir Din 25.te zäme mit all Dine Liebste u fründe gfiiret,mir händ Dich gspürt in unserer Mitte,mir händ Dich lieb Di Kurt u Ruth
Gabi + Meinrad
Samstag, 6. April 2019 20:44 Uhr
Wir denken an dich und stoßen auf dich an. Natürlich mit deinem früheren Lieblingsgetränk Rum+Diet Coke. Du machst bestimmt eine geile Party im Himmel. Alles Liebe nach oben, wir fühlen dein Lachen.
Esther Hänni
Samstag, 6. April 2019 10:05 Uhr
Liebe Tobias
Hüt würdisch du 25 johr alt. Du kasch au dört fiere wo du bisch.
Ich vermiss dich sehr.
Du bisch au immer wärend de Theapie bim Mami mit derbi.
Lgr.esther
Sunset Dive Resort, Bohol Philippinen
Freitag, 5. April 2019 05:21 Uhr
Lieber Tobi,
Erst jetzt ist uns bewusst geworden, das du auf der Himmelsseite wohnst und auf uns alle hinab schaust.
Wir durften dich bei uns kennenlernen, du hast mit uns getaucht und gelacht, dafuer sagen wir vom Sunset Dive Resort " Danke "
Wir wissen, das es dir da oben Gut geht und das du uns auf allen Schritten und Tritten folgst.
Das zu wissen, gibt uns ein gutes und glueckliches Gefuehl.
Sunset Dive Resort and Team, Rosalie & Kai Wiekenberg
Alessandro Stebler
Donnerstag, 28. März 2019 21:03 Uhr
Liebe Tobi
Ich ha dir scho lang welle schribe aber ich has bis jetzt nie so richtig gwüsst was.
Ich ha de dörfe in dr TEKO kenne lerne im Studiengang Energie und Umwelt.
Du bisch mi Sitz Nochber gseh. Ich ha de als wunderbare Mensch dörfe erlebe. Die wertvolle Tipps vo dir wo du mir und uns allne hesch könne ge. Ich mag mi immer sehr gern zrug erinnere an die unvergessliche, luschtige Moment be de Präsentatione/Referat wo mir zwei dr Klass hen dörfe vortrage.
Du blibsch immer e Teil vo uns
S-TEU-16-Do-z